YSL Touche Eclat 明采筆

呢枝絕對係highlighter界中相當出名既一枝，起外國youtuber幾乎人人手中都有一枝，high end product一定有佢份。呢枝真係highligter聖物黎，半點都無誇大…

雖然有人用佢黎遮瑕，好淺既瑕疵或者得，但太深既印就唔得了，畢竟佢主作用係打亮。佢質地幾水，highlighter有細微閃粉但絕對唔係一大大粒上完會見到成粒閃粉。佢既提亮效果唔係話超具光感果種，反而係真係好自然既提亮效果。佢果種提亮係由可能朝早未訓醒或者超殘樣，用佢掃落D暗沉位例如嘴角眼底甚至面頰位，即時果D位睇落會變平滑左同膚色提亮左！

我覺得咁多人話佢好用既地方係首先佢真係做到打亮之外仲有即時柔膚令皮膚變得光滑。佢質地仲要好水好好推，無論點印點推都唔會整到一達達，所以新手唔太識化妝打亮都一定好易上手。佢唔似一般highlighter查完超閃或超强珠光效果。你查果時，佢就好似已經同皮膚融合左，亦無粉感，D暗沉位即時變得超有氣色。平時普通highlighter出黎效果可以只係閃粉强，呢枝重點係原來佢都遮到下毛孔，好似撫平左皮膚咁！可以提亮膚色但又無重妝感，點印佢都無粉粒仲有撫平皮膚效果！如果黑眼圈唔算深，用佢黎印2下，即時對眼已經醒神左！

我手上呢枝都用到壽終正寢了😎。。。 絕對推介大家一試！


Instagram: 1click2beauty
Facebook page: 活在歐洲

YSL Rouge Volupte Shine oil in stick 試色圖分享

YSL Rouge Volupte Shine oil in stick 試色圖分享

*以修護精油打造的ROUGE VOLUPTÉ SHINE 迷魅亮彩唇膏，由內到外滋潤雙唇，綻放初春應有的嬌嫩亮澤。

發現原來上網既試色圖都仲係唔算多，見到有D有既都美肌過，色差會比較大。咁SHARE番我自己入左既3色，就係#45,#46同＃49。呢個系列oil in stick係比佢原先既shine更更更加潤，完全做到唇膏再加唇彩既效果！用佢之前完全係唔使用lip balm都可以上到。你用枝唇膏用耐少少，就會見到佢個頭係好潤澤，你拎佢出黎同自己其他既唇膏比較就會見到佢明顯係潤身好多。

佢呢枝係超級岩懶人用，因為查左佢就好似查完唇膏再on top加唇彩既效果。佢查上嘴係油果種感覺，而唔係笠。亦好岩唔鐘意唇膏太實色但又覺得只用太淡色既人，oil in stick做到岩岩好，既上色但色唔實，仲帶有glossy效果。仲慳埋買唇彩既錢 hahaa

不過我覺得佢既缺點係比一般比較實色既唇膏無咁持久，飲野時唇色都會痴杯。不過食完野個基本底色仲係起到。

#45 Rouge Tuxedo: a slightly warm, cherry red with pink leanings 偏紅

#46 Orange Perfecto: a bright, coral orange with red undertones 橙色

#49 Rose St Germain: a blue-based, medium, rose pink 粉紅色

我比較鐘意45色，因為帶有少少少桃紅！心思思想買埋其他色啊！！！

**搵我地代購會抵D啊 >> Instagram: 1click2beauty

終於開番個facebook page

有時純粹想隨意share下幾句野，又無咁多說話可以打成篇野做文章，開facebook page就最岩，得閒時就up下 相分享幾句！堅係隨意都爆～～～

http://www.facebook.com/eumylife/

Shiseido ULTIMUNE Power Infusing Concentrate 紅研活肌精華

可能有人會覺得肌底液只係一個gimmick，但用過幾款唔同既肌底液都覺得肌底液係真係有助提升之後塗上面既護膚品吸收度，硬係覺得用完之後皮膚比單單只用精華靚得多，哈哈！

Shiseido出呢一款主要係“令肌膚有效自我增強屏障機能，抵抗任何傷害”，令皮膚變得健康同穩定。

官方：

蘊含激活免疫力複合物，當中的Aqua-in-Pool、B聚葡萄糖及保加利亞玫瑰水成分，能提升肌膚免疫力，有助肌膚回復柔滑飽滿、緊緻及富彈性。

使用後即時︰肌膚凝潤飽滿，絲漾柔滑。使用1星期︰肌膚更添亮澤。使用4星期︰重煥緊緻彈性，撫平皺紋。

用後感：

佢個外觀都夠華麗，再加上紅色玻璃樽身，設計上都真係落過功夫！半透明啫哩質地，聞落去帶有少少花香味。質地好流身，超級好吸收！雖然吸得好快，但查完之後你唔會覺得好似無查過野咁，反而佢會為皮膚帶黎一種水感同埋皮膚變滑既效果，讚！用佢搭配其他精華用，整體覺得皮膚再飽滿左同有彈性左。我都係買左10ml裝用完先決定買30 ml用😉,就咁30ml未試過就買肉赤啊 (順帶一提：Shiseido Ultimune gift set $$229 <<就咁枝獨立10ML加送18ML night cream有得訂啊)

肌底液單用佢唔用精華感覺效果唔太大，可能當下覺得皮膚滑左。但用精華前用左佢，會有種膚質double up既感覺！即係平時你用同一枝精華，用之前加肌底液，用左排會覺得之前明明都係用同一枝精華，只不過用前加多枝肌底液，皮膚睇落有光澤左咁多既果種feel～

呢款我覺得係特別岩油肌用，因為佢質地真係好水潤，完全無油腻感。相比起其他肌底液，質感上係更加輕盈，所以唔怕話用完好油好笠！

www.instagram.com/1click2beauty/

YSL tint in oil 試色圖

Tint in oil 05 Cherry My Cherie 試色圖

Tint in oil #06 Peach me love 試色圖
Tint in oil #07 Crush Me Orange 試色圖
Tint in oil #11 Love Me Nude 試色圖

親自試色圖，要揀色真係難到飛天，因為每隻色都好靚😭😭😭 唔多形容，去圖先！最靚色就揀唔到啦，但07 Crush Me Orange 上嘴效果真係會有WOW既效果同顏色再比06 Peach Me Love橙d. 而我覺得#11 Love Me Nude係成個collection唯一一枝珊瑚色黎，大家同#5 Cherry My Cherie 睇可以睇到分別 ☺ 點解tint in長期都熱賣因為佢做到好靚既玻璃嘴同果種既鏡面效果！！ 而且味道又香😍😍 好想全部色儲齊。。。 呢枝必推啊！！

https://www.instagram.com/1click2beauty/

羽僑鉑白金co2面膜 ﹠ 白金睡眠面膜

面膜分享

1.        鉑白金co2面膜

羽僑自家生產既CO2面膜，呢款聲稱同市面上其他CO2面膜唔同既地方係加入左2種諾貝爾受賞成份 ﹣「Fullerene福樂烯*」（減少細胞中的自由基）及「EGF表皮細胞生長因子**」（強烈刺激細胞生長，抑制衰老基因表達，阻止皮膚衰老，使皮膚各組成份保持最佳生理狀態）。

上網就咁search見到唔少blogger介紹話好好用，用完又白左皮膚又好左。但入D 討論區睇下其他用家comment，又唔少話用完塊面好LA，又敏感又紅，似乎都好壞參半。CO2面膜唔算平，點都要幾十蚊甚至百幾蚊一塊。咁佢$199/3片價錢都嘗算合理。

佢係一包裡面有2款液體，用時就咁扯開中間然後係咁搓到兩款液體溝埋就可以上面。好在，佢上面唔會四圍滴，之後佢會塊塊變成一塊GEL狀既JELLY MASK，敷大概30分鐘就可以成塊撕落黎。我上左面一陣，我FEEL到塊面開始痕，敷既過程都係覺得好痕，總之就唔舒服，不過我都敷曬30分鐘。敷完之後我洗走勁想R塊面，塊面好似有D敏感FEEL紅紅地又痕痕地。敷完我都睇唔到係咪白淨左，因為塊面敷完變紅，所以乜鬼效果都睇唔到。但我另一個塊面超易敏感既朋友用，佢用係完全無事無敏感的。不過我應該係對呢款面膜敏感，第2日仲要出左少少粒粒…

2.        白金睡眠面膜

呢款除左加入白金同諾貝爾得獎成分福樂烯之外，仲加左岩鹽，具有恢復代謝、紓緩水腫、緊緻毛孔、保濕等多重美肌功效。

首先，佢每包份量真係好少，一包我係覺得完全唔會夠查成塊面，除非你塊面真係屬於好細好細果種。係少到點慳黎查都查唔到一塊面，最後我係開左2包先叫做查得夠。

佢質地睇落去應該都係易推得開，其實佢都幾厚同黏結唔算特別好易推。我覺得如果油肌用未必仲意，因為查完感覺D MASK好似蓋住左D毛孔同埋都幾黏。但敷完佢又覺得睇落膚質好左，毛孔細緻同都幾保濕。出黎效果比普通面膜再好些少。純粹覺得佢每包份量對於我黎講真係太少，用2包先夠我1次。

羽僑出既面膜應該都落足料，不過無奈我對其中一款面膜敏感，另一款的話以我用量黎計價錢真係唔算便宜啊～～～

＊以上純粹個人用後感

Instagram: 1click2beauty

夏天防曬

夏天就到啦，share下自己以往用過既防曬先！ 

1. Curel 輕透清爽防曬身體乳液SPF50+ PA+++ 呢枝雖然話係身體乳液，但佢寫面部都可以用，而且佢價錢比佢其他只供面部用既防曬價錢更平，所以二話不說入手。呢枝係純物理防曬，對皮膚負擔刺激細，所以連細佬仔都岩用。我係起我果時生荷爾蒙瘡最勁既時候用，因為Curel D野不嬲都係主打溫和又無咩刺激。而我生瘡果時用佢都無問題，無生粒或者嚴重左之類。佢質地都幾水，推左上面之後略嫌有少少油。而佢其他一般物理防曬一樣都有泛白既問題，不過如果你本身皮膚係白白地，用左佢反而有提亮膚色既效果。另一缺點係佢係會出少少擦膠粒，所以不宜之後上任何粉底。 

2. Fancl長效防曬露50+ PA++++ HK260 Fancl呢枝都係純物理防曬，不過上網就唔多search到佢二氧化鈦同氧化鋅既成份濃度，又未試起太陽下曬幾鐘，所以都唔係幾講到呢方面資料比大家知佢防曬幾有效。呢枝用完都係會有少少泛白，但可以接受，仲覺得帶有少少遮瑕。有朋友話覺得太乾，我自己就無呢個問題。此外，佢都係少少笠笠地。純物理防曬黎講，佢都算各方面都做得唔錯，唔會過份泛白或過笠。但我生暗瘡暗粒時會避用佢，因為唔知點解我用佢會出得仲多粒粒，奇怪奇怪。 

3. La roche posay SPF 50+ ULTRA LIGHT 50ml （PPD42） 買佢原因係因為上網見唔少blogger都好推佢個Anthelios xl系列。佢係不含香料、不含防腐劑、低量化學性防晒成份、不致粉刺、防水配方。ULTRA LIGHT 更透薄，適合炎炎夏日 適合光敏感皮膚、油性、暗瘡性肌膚，強烈日曬保護 預防孕斑、日光性皮膚炎。而呢款係物理性+化學性，PPD42即等於日本PA＋＋＋＋最高防曬。呢款主打獨特MEXORYLR SX 與 XL 防曬濾劑與MEXOPLEXR防曬科技，提供極高UVA/UVB隔離防護。成份不含香精及Paraben類防腐劑，適合敏感到一般膚質使用。而且高防水、防汗性 -夏卡質地，適合油性、混合性膚質適用. 質地係白色乳液狀，偏乾肌用佢會覺得乾爽但唔係比你果種抽乾皮膚既feel。佢查上面第一個感覺係幾保濕，之後會變得乾爽。雖然呢款係ultra light，但如果油肌用可能會覺得少少笠。因為佢係物理性+化學性，所以上面後唔會泛白。用後上粉底亦唔會出現擦膠粒。佢防黑我係滿意，因為上面起太陽底下行下街，去CAFE出面坐下又幾粒鐘都囂覺塊面有特別黑到！呢款唔少台灣blogger大推。佢又真係質地舒舒服服，無咩負擔而防曬力又足既一款，所以呢排新寵絕對係佢！

4. SOFINA beauté whitening uv cut emulsion 美白活膚全效防曬乳液 SPF 50+ PA++++ HK$320 / 32ml 防曬黎講絕對唔係平，仲要係得32ml…佢係SPF50+．PA++++，達至日本最高防晒级别。佢呢枝有加入美白精華成分「洋甘菊ET」，預防色斑，徹底改善暗啞。主打一支就兼具美白、防曬、抗老化、保濕、化妝底霜5大功能。 呢枝都係乳液狀，唔會泛白，快吸收唔會笠，係一款透薄既防曬。當底霜用係OK，唔會起擦膠粒，但都唔會話有特別控油或保濕效果。雖然話加入左美白成份，但係咪真就唔知。防黑我覺得麻麻，即係有太陽情況下起街四圍行一日都見到自己好似黑黑地。價錢上亦唔算平啊～～～～

5. Shiseido ANESSA Perfect UV Sunscreen SPF50+ PA++++ 超卓防水效能防曬最強:(面部及身體適用) 呢枝應該唔少人未買過都一定見人討論過，聲稱係最強防曬！呢枝係真係超級防水，就咁沖涼絕對唔會沖得走佢，一定要用落妝用品先得。佢上面係幾清爽，但如果用黎查身既話個質感又會變得鞋鞋地。佢係咪最強防曬就唔知啦，佢係真係防黑，夏天旅行用呢枝野一定唔會變黑炭。但無黑到就呃你既，但黑果個程度絕對係接受到。旅行戶外用，呢枝首推！ 

以上純粹個人意見啊 :)
Instagram: 1click2beauty

H&M Beauty 唇膏

行過H&M又忍唔住要買啦！！ 因為歐洲d H&M都唔係間間都有佢條new line, 所以一見有就試左成粒鐘！

佢真係creamy到不得了， 上嘴圖係我試完1枝即抹再查另1枝。通常咁樣抹走再查，嘴唇都會有d皮仔擦左出黎，搞到再上都唔靚。但H&M白身既唇膏完全係無呢個問題！！！我仲要係試左好多好多枝，但上嘴都係好好好creamy. 同埋佢又係上色圖爆分，新line都應該超過20 款色，d色仲要枝枝都出到好靚！！！！ 好難揀之下決定買左圖中4款色，附上試色圖4張，d色真係好靚好靚好靚 > <

可能潤既唇膏比較常見，但呢枝係creamy creamy creamy啊！唯一缺點，以H&M黎講佢價錢定得都唔算好平，不過真係勝在質素好顏色選擇超多。 正！

Instragram: 1click2beauty