DIOR Diorskin Forever & Ever Wear Extreme Perfection & Hold Makeup Base 恆久貼肌啞緻底霜

DIOR Diorskin Forever & Ever Wear Extreme Perfection & Hold Makeup Base

我都係不停受到sales係咁讚Diorskin Forever條line真係好好用所以一次過買左佢既粉底，底霜，遮瑕同碎粉用。今次再share個base!

呢個base主要賣點係會令持妝度提高同埋提高粉底既遮瑕度。

佢望落去係帶有少少肉色，佢質地幾稀身所以都好好推。同埋佢質地好輕盈，一d都唔笠，上左塊面依然覺得皮膚透到氣。而且，我覺得佢係修飾到毛孔，上完之後係成塊面睇落皮膚好左毛孔明顯細左，成個膚色係提亮左，皮膚質感好好！因為佢有助即時改變左個皮膚質感，所以之後上既粉底都好推同貼服。 持久度都有7個鐘以上！

呢枝base佢無果種silicon base既質感但佢做到遮毛孔(不過就未完全好似主要用黎遮毛孔既base 例如benefit poreless primer呢d 遮得咁好) ，修飾皮膚同持妝力高， 仲有SPF20! 呢枝有d似sofina果枝控油base, 但呢枝就無sofina果枝咁乾身甚至做唔好保濕會乾到現毛孔。而Dior既提亮膚色效果做得再好d同自然d.

呢枝質地好輕盈同又唔會過乾，所以油肌用唔會怕笠而乾肌人都唔會特別話用完出乾紋。我自己幾鐘意呢枝base, 因為佢各方面都做到恰到好處，唔係silicon質感但遮到毛孔，雖然唔夠主sell遮毛孔base遮得咁好，但呢枝有埋SPF20! 另外，唔乾唔笠，提亮氣色同持妝力好。

**搵我地代購會抵D啊 >> Instagram: 1click2beauty

Diorskin Star Concealer 星凝亮肌遮瑕液

終於試左佢啦！呢款遮瑕液其實就咁睇上手圖都見到佢唔算超級水潤，我查多左D上手背比大家睇，可以其實見到佢都質地都比一般遮瑕液再厚身少少。

我就用佢黎遮黑眼圈，我覺得佢遮瑕力用黎遮眼圈真係算唔錯！同埋佢係帶有少少提亮效果，所以用左睇落對眼係再精神D。我一般都係眼底下點3，4下再印開，印完黑眼圈明顯都唔見左8成幾。雖然佢質地有D厚身，但其實佢幾易推同幾滑。你印佢上眼圈位置時可以感覺到佢質地係滑身，唔會印時覺得佢起平時D乾紋位置會卡卡地。最緊要佢持久度我覺得比其他好多牌子既遮瑕液都更高，你上完過左幾個鐘再望望塊鏡依然見到D遮瑕液痴實眼底同埋無咩點溶或者變暗左。我試過用左佢後無上碎粉，D內眼線都無痴到去眼底遮瑕液到黑左一點點。可能因為佢上完之後眼底都係乾乾爽爽，如果我用潤少少既遮瑕液又唔上好碎粉，我黑眼圈既眼尾位都會易黑左一撻撻。

我覺得呢款遮瑕液既遮瑕力同膏狀既都差唔多，但又比膏狀既無咁乾身，而且夠滑身易推。我上次時用番平時用眼霜，無特別出現眼底好乾或者顯乾紋既情況。過左半日，都無現乾紋。到第7／8粒鐘時照鏡先見到甩左3成，不過keep到7／8鐘，遮瑕液黎講佢真係幾得了！

呢枝遮瑕液用量唔需要多就可以遮到黑眼圈，而且持久度高，質地易推同滑。缺點可能如果眼底係超級乾既位要用前打好個底。同埋如果係有超嚴重黑眼圈，呢枝唔可以單單上一層就夠，要layer多1/2層。

呢枝的推介比想要黑眼圈唔係好嚴重但想搵遮瑕力比較高遮1層就夠，有提亮效果同持高度高既你用～

Instagram: 1click2beauty

DiorSkin Nude Air 輕透注氧精華粉底液 ﹠ Dior Forever Fluid SPF35 PA+++ 恆久貼肌粉底液分享

1. DiorSkin Nude Air 輕透注氧精華粉底液
呢款粉底真係好水好水好水，一吱起手背到已經好似水咁即刻流走！市面上呢類型D精華粉底都好似偏向比較滋潤，岩冬天用多D。但DIOR呢款佢上完面之後唔會話塊面覺得好笠過潤反而都算清爽，佢真係做到輕透果種FEEL。因為質地好水，超級易推同埋都算保濕，唔會CLICK粉！至於遮瑕度就中度，一般皮膚泛紅或者好淺既瑕疵上一層就夠曬。如果深少少既色素或者深D印就可能要落多層。不過即使落多次，佢依然都比到你果種透薄感，唔會因為加多左層而覺得妝厚架！如果瑕疵多要求高遮瑕呢枝就未必岩，因為呢枝真係SELL輕透。主要sell second skin效果又做得好既粉底brand除左Giorgio Armani之外就係Dior，但Dior佢所有粉底之中我覺得呢枝既second skin效果係最好！但佢就無咩控油效果，朝早8點幾上完12點幾就可能要補一補。不過如果追求自然妝感，呢枝超推！特別係瑕疵唔多既人用，上完真係覺得天生皮膚好似就好靚咁！


 2. Dior Forever Fluid SPF35 PA+++ 恆久貼肌粉底液
呢款係2016新款粉底。

簡介： 質感一觸融化，不油不膩，宛如羽毛的輕撫般滑過面部輪廓，更能根據你渴望的妝效，與肌膚瞬間融合並打造出完美均勻和局部修飾的效果。蘊含活性啞緻成分及零毛孔效果護膚精華，有助抑制油光及改善因油脂分泌過盛而致的毛孔問題。 呢款粉底我覺得春天到秋天用都得！雖然佢係SELL SHINE CONTROL，我皮膚偏乾用上完都唔覺得好繃緊，但偏乾膚質都係建議上前做好少少補濕。雖然佢質地唔算超級稀身好似nude air唾，但上面絕對亦算易推，用一PUMP都已經夠上全塊面。佢上完面既效果係啞緻霧面，清清爽爽。但同時，佢又有少少果種拋光效果。而佢既柔霧效果都強，D毛孔係被柔化左咁，係即時變得唔明顯！遮瑕力係中度偏高，普通泛紅一定遮到，深色既印上一層都遮到7成。呢枝粉底係主SELL持妝時間長，大半日都可能少少出油，但用紙巾印一印就得，妝感依在唔使補妝亦無浮粉。呢款粉底遮瑕中高，但出黎妝感一D都唔厚，絕對唔會上完覺得好粉樣。（Dior D粉底真係比其他brands既粉底再造得透薄D！）我覺得呢款係岩想搵D遮瑕度，持久度比較高但同時妝感又唔想太重既人用。最後，佢用掃/海綿上會上得更靚，妝效感覺更完整。

**搵我地代購會抵D啊 >> Instagram: 1click2beauty

Catrice sculpting powder palette

Catrice又出新野了～～ Catrice又出左一系列新野，仲一出出左3款highlight產品，一個就係單一盒hightlight，一個就係筆狀highlight，最後一款highlight就係包括左起呢款3色palette裡面既highlight!

今次Catrice出既highlight粉我都好滿意啊 > < 因為佢D粉都幼過同細過佢其他highlight，而且夠貼！（之前一直都無咩點介紹Catrice出既highlight因為覺得D閃粉都係比較大粒同埋唔夠貼膚，所以我自己都無買到。）同埋款highlight係帶有少少香檳金色而唔係白色，所以做highlight係好自然！佢中間既珊瑚色我又係超鐘意，因為佢隻色唔係超sharp，唔會上到面顯得太過CUTE。反而係帶有D健康既氣色～最後講埋知陰影，就咁睇以為佢好深色，但佢上面絕對唔係咁深色同咁實，完全好易掌握，唔會話因為太深色或者太實要狂blend。 3款色都係貼膚，粉細～～最意外係成盒野係有香味囉！！！超正超正超正！！！呢盒palette絕對正過佢其他既三色palette!! （提外話：大家有時會SEND圖問我地關於Catrice同Essence某D產品，其實Catrice同Essence有D產品可能係美國或者亞洲有賣但德國無賣，德國出既有時呢D地方都無啊。佢地推出既產品唔係每個有賣既國家都有同步，同埋佢地好興係隔一排就出D limited edition上架，上架一陣之後就落左。多數呢D 限量我十次有九次都係買唔到黎試，唔夠D德國女仔快去counter買 ~_~)


**搵我地代購會抵D啊 >> Instagram: 1click2beauty

Smashbox Photo Finish Foundation Primer Light 底霜

 Smashbox既photo finish primer好出名，年年有獎拎！今次分享呢款唔係original果款黎，呢款係“oil-free, 60% water based primer is ideal for oily, acne-prone or sensitive skin.”

*1a-d係light *2a-b你original款(用完影完個包裝就扔左，但cut圖時錯手del左，所以無實照圖比大家睇😩)

官網介紹： The revolutionary formula has oil absorbers for a smooth matte finish all day, light diffusers to minimize the appearance of imperfections, and vitamin C and peptides to help even skin tone and promote collagen production for a flawless future. Now in a sleek tube for perfect dispensing down to the last drop!

獎項： • Seventeen Haul of Fame 2015 • Winner of Allure Magazine's Best of Beauty Award for Best Primer


用後感： 佢呢款雖然同佢original款好似，但佢既質地睇落係乳液狀（正如官方講係water based，不過唔係100﹪，只係60﹪。）而唔係似另一款完全silicone based。佢一推開好似好水咁，但再推佢個質地同效果就變到好似其他遮毛孔既primer一樣即時做到柔膚平滑遮毛孔！佢雖然話係比oily,acne-prone/sensitive skin用，但我覺得乾人用都得。佢個質地係由開始上面就係water based然後推開先變得似silicon based. 佢造出黎既平滑同遮毛孔效果皮膚睇落同摸落都係好柔軟，皮膚變得又滑同細緻。上粉明顯因為款primer夠滑所以上得貼同靚，上粉效果一致唔會有d位上到一撻撻。香港濕熱天氣用，混合肌可能用到到6-7鐘先開始出少少油。即使出油個妝都唔會係甩到一撻撻，用紙巾印印就得。 呢款light感覺都比起original款保濕，果種由矽造出黎既順滑同啞緻無論效果上同質感亦無咁强烈，light係偏向睇落皮膚軟林林既細緻，而original就係啞緻。(可看1d同2b圖) 其實original 同light款我都好推，如果唔係好鐘意用完全矽質地既primer或者想質感上水少少, 呢款比較適合。


Instagram: 1click2beauty

YSL Rouge Pur Couture #4 Vermillion試色圖分享

YSL 真係一試上癮，即時明白點解咁多忠實粉絲～

圖中右上係方管#4，係好自然既粉紅色，整個少女心即時爆發！！方管係非常之實色，畫一下已經夠出色，不過質地係偏乾果邊，想滋潤d可以考慮圓管～圓管新款OIL IN STICK我地都有啊～可以睇返前幾個POST有新色試色圖同用後感^^～而右下圖就係 方管#4 + tint in oil #5 既效果，tint in oil 可以令到唇色鮮色d同睇落juicy d，tint in oil既玻璃嘴效果真的不是蓋的，真係好透明果種令法，令得好靚，買完一枝包你絕對想買埋其他色，我就係咁樣成為YSL既俘虜啦




Instagram: 1click2beauty

YSL Rouge Volupte Shine oil in stick 試色圖分享

以修護精油打造的ROUGE VOLUPTÉ SHINE 迷魅亮彩唇膏，由內到外滋潤雙唇，綻放初春應有的嬌嫩亮澤。

新入手48色，唔係因為見到枝tester比人用到無曬都未必會試。一試即成為新眾！ 佢呢款係berry pink, 粉紅之中透層紫色出黎！ 但佢既紫色又唔會太over 令人睇落冬天先岩用。佢唔屬於鮮色系，查完真係覺得成個feel cool左！ 順便再SHARE番我自己入左既3色，就係45,46同49。呢個系列oil in stick係比佢原先既shine更更更加潤，完全做到唇膏再加唇彩既效果！用佢之前完全係唔使用lip balm都可以上到。你用枝唇膏用耐少少，就會見到佢個頭係好潤澤，你拎佢出黎同自己其他既唇膏比較就會見到佢明顯係潤身好多。 佢呢枝係超級岩懶人用，因為查左佢就好似查完唇膏再on top加唇彩既效果。佢查上嘴係油果種感覺，而唔係笠。亦好岩唔鐘意唇膏太實色但又覺得只用太淡色既人，oil in stick做到岩岩好，既上色但色唔實，仲帶有glossy效果。仲慳埋買唇彩既錢 hahaa 不過我覺得佢既缺點係比一般比較實色既唇膏無咁持久，飲野時唇色都會痴杯。不過食完野個基本底色仲係起到。但d色真係好靚！！


Instagram: 1click2beauty

隔離霜分享

1.        Sofina Primavista Multi Cover Base UV SPF 20 PA＋＋ $280/25g
岩瑕疵唔多，無咩明顯暗瘡印／斑既人用，因為呢枝遮唔到D咩野，淡到幾乎睇唔到既印就可能遮到，但深少少或者明顯少少既就唔OK啦。但佢係可以輕輕均勻成個面膚色，如果塊面無咩瑕疵，用佢黎均勻下膚色係得。至於持久度就4﹣5個鐘左右啦，hold妝力唔算話好強。不過不失～

2.        Sofina Primavista ange long keep base UV
Sofina平價系列，呢枝係台版控油款。我唔係幾鐘意陣味，都幾大陣酒精味。但佢控油真係好好，過左大半日都發覺妝無咩點溶，都仲係乾乾爽爽。佢質地好水，一查上面唔使一陣就吸曬。佢唔係完全透明，少少粉肉色，有好輕微既潤色效果。但唯一問題係佢偏乾，所以如果偏乾肌用一定要做好保濕，唔係一定浮粉或者現乾紋。呢枝好多人推，因為真係好用，夏天必備啊！

3.        Estee Lauder Matte Perfecting Primer持久啞緻控油底霜 $390/30ml

呢款又係強調可以控油但配方不含油分，岩混合或者油肌用。質地屬於啫喱凝霜，上完面之後塊面超滑同埋都遮到毛孔，同D遮毛孔base感覺差唔多。查完塊面好滑，之後上粉都覺得貼左。至於控油我就覺得真係唔算強，我諗5個鐘唔使都開始出油。如果搵控油base或者遮毛孔base，而家好多牌子平之外都做到佢既效果，所以真係唔使用差唔多$400黎買呢枝。~_~

4.        Clarins beauty flash balm晶瑩美顏霜
呢款beauty flash balm其實都成日上外國雜誌，類似係多功能既乳液，你可以當佢係面霜或者primer甚至面膜都得，但多數人都係當佢primer咁用。佢有緊膚效果可以減少細紋，同埋緊緻臉部輪廓拉緊皮膚功能。我都係睇一個youtuber Lisa Eldriger見佢有介紹呢款乳液可以當primer用仲可以緊緻臉部輪廓所以先買。佢係少少黃黃地色，上左面之後係有提亮效果同有光澤左，令皮膚睇落無咁暗沉。同埋上完佢之後真係覺得塊面即時firm左，勁神奇！特別係朝早塊面勁腫，慢慢將佢塗上面，塗完覺得自己好似按完塊面咁，水腫不見了～呢款乳液滋潤感都重同少少結結地，無咩控油效果，岩皮膚偏乾既人。夏天要用佢我就直接SKIP面霜用佢。佢當primer係勝在有見得到既提拉效果同埋提亮膚色，比較少primer有提拉功能。同埋佢塗完上面塊面都滑左，所以之後上粉都貼。Clarins出名就係出D緊緻去紋產品，呢枝當primer用LIKE啊！

以上純粹個人用後感 :)

Instagram: 1click2beauty

H&M Gossamer lip stain- (1)Storyteller, (2)gauzy mauve ﹣ 分享

H&M Gossamer lip stain- (1)Storyteller, (2)gauzy mauve ﹣ 分享

H&M既唇部產品真係唔錯架，今次買左佢D lipstain試下！Storyteller呢隻色大愛啊，佢試上手既色睇落去係啡啡地，但上左嘴效果變左帶有少少深紫同啡既顏色，超靚！唔知點解覺得好有復古feel，雖然係帶啡但又唔係nude～另一枝gauzy mauve就係帶有少少啡既粉紅色，岩曬唔鐘意太pink既粉紅色人用！

呢款液態唇膏質地係幾厚，上嘴好舒服，一D都唔乾，而且幾上色。佢亦做到唇彩帶黎既glossy效果亦有唇膏既出色度。持久度黎講都有4﹣5小時，同埋佢隨住時間D色係會變深，glossy效果開始無。

平平地買黎用下唔錯唔錯～

Instagram: 1click2beauty

Facebook page: 活在歐洲

粉底分享

1.     CHANEL PERFECTION LUMIERE 完美細緻粉底液SPF 10
話說我買呢枝係因為見到我個FRD上呢枝粉底出黎既效果好靚，雖然見到佢用塊面效果都有少少乾乾地，但最後都係買左。呢枝粉底係偏乾身，上時動作要比較快因為佢乾得幾快。上完面後係幾乎完全乾爽，好似已經上埋碎粉果種感覺。我覺得佢妝感上完幾靚，真係有霧面陶瓷肌效果，D毛孔好似無曬。佢遮瑕力唔算超強，但泛紅或淺暗瘡印要遮都無問題。但佢質地一D都唔厚，反而係薄且清爽。夏天用真係幾得，唔係戶外活動出汗的話HOLD妝8個鐘都OK，但鼻位依然會出油。

但對於我，佢既缺點係真係偏乾。只要稍為補濕做唔好都會馬上現乾紋或者浮粉特別係鼻翼位置。我覺得呢枝幾岩混合混油或者油肌用。

2.     Lancôme BLANC MIRACLE SPF50奇蹟亮白粉底液
 Lancôme好似出左呢款既升級版叫做Blanc Expert。不過，佢呢條亮白系列D粉底顏色都偏白，如果要岩真係岩岩好自己膚色可能有少少難度。呢款係有遮瑕度之外，上面後亦有光澤感雖然唔係超線強。但略嫌上面後妝感比較重，同埋唔夠貼面。持久度約5﹣6個鐘就可能要補一補同埋有少少浮粉情況。

3.     Covermark草本漢方修護粉底霜
 秋冬必定要有而且很愛既一枝粉底。Covermark出D粉底係有分藍調同黃調，去試色既時候BA會起你兩個內手臂每邊查上藍調粉底同黃調粉底去睇下邊個色調最岩你。上網search過下D資料係話根據肌膚底色既血管色調去搵番岩色號既粉底，而手臂內側皮係人體最「原始」的膚色，少被太陽曬到，可以睇到血管分佈，所以能夠正確判斷血流對膚色的影響。而當BA將D色上曬去手臂時，自己都睇到邊隻色睇落最岩自己最自然同剔透，揀出黎既色真係MATCH到自己既膚色唔會過粉過黃！

霜狀粉底都係保濕感重，延伸力高，遮瑕度高。用很少份量已經足夠查成塊面，而且超級貼皮膚，遮瑕度完全任你調較。不過，佢係唔控油的，所以真係凍既日子用就好了。雖然佢可以做到好強遮瑕，上極都唔會click粉，但愈上得多，妝感會愈重。而且，皮膚差既日子用唔知點解上佢會顯得皮膚更差。

如果皮膚無咩超大瑕疵，屬於偏乾肌，我就好推呢枝，偏油肌用就未必喜歡～佢超級貼膚，瑕疵唔多上一層已經夠。即使成日過去，番到屋企都唔覺有變黃變暗。另外，佢呢款粉底加入左6種純草本漢方，有修護功能。當然，話令皮膚好左就唔會，似乎係化妝品，不過就未因為佢而生過任何暗粒粉刺就真既！

年幾2年前佢仲賣緊差唔多$600，自佢宣布減價，$3XX已經買到！

Instagram: 1click2beauty

Facebook page: 活在歐洲