Charlotte Tilbury Hot Lip secret salma 唇膏試色分享

Charlotte Tilbury Hot Lip secret salma 

揀左款比較深既試，堅係完全無失望啊！見到個包裝會想格硬搵隻色買枝.3. 超高貴！而且佢個合蓋位做得好實，唔會好易唔小心打開。

Secret salma係偏向紫tone既色，上一層會有上左圖效果，粉中帶紫！唇膏好實色，唔乾而有少少濕感同唔會顯乾紋。上左嘴亦唔會覺得好痴。如果上多層會即時變偏向紫tone既顏色，同佢枝唇膏色係幾乎相同！勁鐘意呢隻色特別係上多層既效果，唔知點解令我聯想起Givenchy枝黑色唇膏，一樣出黎效果型格特別，但又人人carry到！呢枝查一層做日常妝已經夠特別，夜晚轉妝查2層又即時變cool, 一枝夠曬2個妝用！！ 只講包裝已經著左火，我要儲埋其他色啊！

代購：https://www.instagram.com/1click2beauty/

YSL SHINE #12 Corail Incandescent swatch 試色圖

一直好想同大家分享既YSL SHINE #12 Corail Incandescent！

曾經有一排有唔少客只係搵呢隻色，因為好多地方都斷左。去問番BA先知佢唔係唔再出，只係法國果邊都出唔切貨所以好易out of stock😳～本身我都無咩留意佢，但太好奇點解個個都好似鍾意呢隻色搞到我都忍唔住買番黎！😜 查左上嘴比大家睇睇隻色。佢呢款係橙紅色黎，比#14 corail in touch再紅少少但無#16 orange impertinent咁橙，亦唔係#15 corail intuitive偏淺！完全係做到粉紅同橙2者混合一齊岩岩好！睇落去既紅又橙，查左係超級有氣色同睇落白左～

我覺得呢枝真係不敗色黎，因為佢唔會過橙令皮膚比較黃或者黑既人用唔到，亦唔係螢光色令皮膚稍黑既人用完睇落更醜。橙中帶紅，絕對無錯，人人都一定carry到！

如果皮膚唔算好白又想試下帶橙tone既色，呢枝極推！！

代購： https://www.instagram.com/1click2beauty/

Clarins Instant Comfort Lip Oil 唇油

呢枝我真係不推不行！我個嘴真係長期乾裂，係出街一定唔可以無lip balm起身。今次試下Clarins呢枝強調加入左植物油黎滋潤個嘴而且有修護功效既唇油試起我爆裂嘴上！如果嘴不嬲唔算極乾既可能覺得佢係普通野一枝，但我試左我就晚晚都用上佢了…

a圖係我晚上個嘴乾到繃緊到睇相都睇得出，乾到爆裂同埋我真係有時會乾到出少少血。果一晚我就塗上呢枝唇油，b.圖係我第2朝起身即刻影既相！個嘴唇係變到超級柔軟，完全無再繃緊，成個嘴睇落去明顯都好過a.好多好多。C.圖就係上左02號色raspberry既上嘴圖，好令身好潤同超級香，香到你查左一個鐘之後陣香味依然起到！02號色係有少少粉色，呢隻色出既時候唔少人話佢係YSL tint in oil 04 I rose you色既dupe黎TIM～

加上，呢枝唇油設計都非常討好，唔係一般長形設計，短身設計反而令佢睇落特別，放入手袋仲超方便。

如果個嘴偏乾我極推呢枝，因為佢唔單單止可以一般當唇油用，佢仲有可以為唇部做修護。

佢有3隻色揀，01honey，02raspberry同埋03 red berry。 而honey呢隻色係偏向橙黃tone，單查都會帶有少少蜜糖色。上嘴圖都好易見到有層蜜糖色既唇油。02色就係粉紅色而03就偏向少少紅。香港終於有呢枝唇油啦，不過好似就無02色同03色啊。

我地有代購啊> Instagram: 1click2beauty

DIOR ROSY GLOW 胭脂

試左上手比大家睇隻色。呢種sharp pink睇落好似太 over, 其實好自然的！ 特別如果想塑造果種皮膚白裡透紅既效果呢款100% 要試啊 !! 佢掃左上面唔單止睇落精神，而且好自然唔會一睇就覺得掃左2 pat胭脂。如果皮膚偏向白既人，用左佢果種自然粉嫩感會更加之出。呢盒仲要好顯色，持久度keep你1日啊！
推介度滿分滿分，如果想揾d胭脂做到白裡透紅既效果，一定要試呢盒！！ 

我地有代購啊 :)

＞＞ Instagram: 1click2beauty

CAUDALIE VINOSOURCE SERUM S.O.S DESALTERANT 30ML葡萄籽急救保濕精華

簡介：
肌膚的水分防護罩：葡萄籽急救保濕精華能持續深層保水，重建肌膚油水平衡，讓肌膚柔軟水嫩。早晚洗面後使用於面部和頸部。不會形成粉刺。

Clinical Results : 肌膚含水度增加 127％* 肌膚敏感性下降 61％** 用後感：
呢款幾乎開襯法國團都有客搵我地訂，所以我都跟手買埋番黎用！呢款主要係補水精華，聲稱連敏感肌都可以用。

呢款精華質地屬於乳液狀，好水好易推開，一上到皮膚好快就即時吸收曬。我覺得佢呢款精華質地仲薄身過D乳液面霜D D！雖然佢快吸收，但上完面之後你係覺得塊面係被滋潤，但果種滋潤感唔係摸落塊面到覺得好油膩，反而係覺得皮膚底層被注滿水所以表層睇落飽滿左。同埋用佢上面真係好舒服，仲帶有少少好清新既味（同佢個美白精華既味有D似）。仲有一個優點係佢成分有加入葡萄籽水同葡萄籽多酚，所以有抗氧化同美白既功效啊！！ 另外佢係無油配方，所以唔怕會愈用愈油或者用到出暗瘡！我覺得佢超岩油肌或者混合肌甚至敏感暗瘡肌用，佢補到水之外質地好輕盈，最緊要係無油配方。夜晚用訓醒之外唔會見到全面泛油。因為無油又岩敏感肌用既平價補水精華比較難搵，醫學品牌又貴貴地，呢款價錢算係合理又好用 ☺但如果乾性肌用佢補水力略嫌不足，夏天用嘗可。

我地有代購啊 :) >> Instagram: 1click2beauty

Dior Addict Lip Glow Pomade 誘惑煥彩啫喱護唇蜜 分享

簡介：
Dior Addict Lip Glow Pomade誘惑煥彩啫喱護唇蜜，是首款帶自然玫瑰粉紅色的護唇油。嶄新的「啫喱油分」質感令塗抹時順滑無比，效果極致亮澤，同時為櫻唇傾注乳木果油的舒緩及滋潤功效。塗上的頃刻，柔滑的啫喱在唇上形成超貼薄的保護膜，讓當中的極致滋養精華油源源潤養雙唇，細緻提升唇色。柔軟的掃頭在輕碰唇部的瞬間，美麗蛻變一觸即發。


用後感：
2016 Dior既新款護唇產品，個包裝成枝都係粉紅色😍
佢質地係屬於啫喱狀，可能因為加入左護唇油成分，所以個質地比一般唇彩無咁杰身或者痴嘴。而且，都稱得上順滑易推。佢隻色絕對係所描述既"自然玫瑰粉紅", 多數呢d色上到嘴我都唔期望佢好顯色。但唔係，真係唔係！ 佢呢隻自然玫瑰粉紅真係顯到色上嘴，同swatch上手隻色係一樣，同埋幾glossy! 另外，我覺得佢有少少豐唇效果。

佢同maximizer果款一樣都係查上嘴帶有薄荷種感覺，不過種薄荷感輕過maximizer款好多好多。

佢都幾潤身，但查上左你又唔會覺得個嘴查左厚厚既一層產品。最緊要唔覺得好笠或者痴嘴！最驚訝係佢隻色上到嘴顯到色之外同swatch出黎既色一樣！如果唇色比較淺既用，果種rosy pink既效果會100%顯出黎。相都未影到即時查完個效果同埋rosy pink，强烈建議大家去門市試用下。

呢枝乾嘴時當護唇產品用又得，效果同lip balm差唔多，甚至個質感比lip balm再順滑少少。平時當唇彩查都得，仲同時護埋唇！

唯一缺點係上嘴keep到3-4個鐘左右就要補補色啦。

呢枝好推！！

我地有代購啊 :)

 >> Instagram: 1click2beauty