三款珠光底霜

1) Dior glow maximizer light boosting primer
超級閃既一款偏金黃色既珠光base，但佢D閃粉就咁查上手並唔係真係好大粒，反而都算細微。（因為我用過有D珠光base D閃粉大粒到真係盲都睇到，查上面即使查埋粉底都會明顯見到一粒一粒閃粉。） 就咁睇同一查上手可能會覺得好誇，但如果你係一向偏好重光感既底妝呢枝會好適合。因為珠光base查上面可能好誇，但其實再加埋粉底個珠光效果會減至少一半，除非你上好薄透既粉底。但佢有一個好重要既問題係因為個base顏色都幾金黃下，所以會影響到之後上既粉底顏色。。。。。。 再加上，因為佢閃耀效果強勁，所以如果毛孔粗大既上完就會更加顯眼。 或者可能當佢係highlighter用會更好，只係佢將會係一枝好貴既highlighter。

2) Chanel multi-use illuminating base
呢款咁貴，但對唔住都要講句真係我屋企幾十蚊一枝既illuminating base都好過佢…一貫CHANEL既花香味～～～佢係有少少少既修飾膚色效果，上完塊而係白左透亮左少少。然後再上粉底，幾乎係睇唔出係上過任何珠光base。查上手先叫做睇到有光感～亦無咩控油效果。總之，咁既價錢，呢枝真係DUM心口！

3) P2 perfect make up base
以德國開架牌子黎講，珠光base就P2做得最好。珍珠白顏色，所以完全唔會影響到粉底色。而且閃粉粒子算幾細，唔會見到一大粒一大粒果種，珠光效果係Dior同Chanel之間，即係正正常常唔會係強勁珠光效果亦唔會係Chanel果種invisible illuminating effect... 上完粉依然見到微微既光感透出黎，岩我呢D喜歡自自然然底妝，唔需要好重光感，又不嬲唔會打光影既人。

以上既base都係無咩控油效果＊