You’re not alone
其實曾經好耐之前都分享過一次，但發現原來受緊暗瘡困擾既人真係為數唔少，搵我地訴苦既我都好想同你講，我明我真係明。
簡單講講，我以前係唔太生瘡既人，面都無咩瑕疵出街唔用concealer,foundation都無問題。但皮膚比較容易敏感同唔穩定。咁2104年尾﹣2015年中既時候就大爆荷爾蒙瘡。荷爾蒙瘡係難搞到爆，佢生出黎既暗瘡係無膿，而且係又大又腫又痛，唔係一般暗瘡膏或者skincare就能夠搞好。不停上網搵資料，睇人分享又跟住去買係幾乎買10樣10樣都係無用。基本上我就係去到中度暗瘡果種，D瘡係圍住U型咁生，塊面真係爛。望住自己塊面由幾乎零瑕疵到成塊面都生暗瘡，我係無一日唔喊。日日番到屋企第一見事係拎起塊鏡望下D瘡有無多到或者少到，然後望完當然又喊過。其實，咁樣係惡性循環，因為心情都會影響荷爾蒙，所以喊、情緒低落係絕對會令荷爾蒙瘡會惡化。
其實對於真係生荷爾蒙瘡有咩搞法，即使D人whatsapp我問我都係得一個答案，請睇醫生。我就係因為開頭以為唔算好嚴重，不斷去買野搵野試，買來買去試來試去已經浪費左幾個月既時間，而呢段期間暗瘡係不斷惡化無咩好過。到拖到幾個月後去睇醫生既時候，已經去到中度。或者好多人都會覺得，車，醫生都係開抗生素呢D，止得一時唔止得一世。我認同，我當初都係抱住呢個心態所以都無去睇醫生。好彩既話，你可能會搵到一樣岩你既skincare搞掂，而呢個機會真係唔大，因為荷爾蒙瘡係內在問題誘發，唔係一般講你保濕唔夠所以咪出瘡呢D原因而生。（而我暫時用過所有skincare對付荷爾蒙瘡，真係work起我身上既既係得一樣野，大家可以去美國一個網站Acne.Org search 下款Treatment (Benzoyl Peroxide - 2.5%)。佢係開呢個網站既人自己整出黎既skincare，search下youtube你可以搵到激多人分享曬成個Regimen點影響佢地皮膚。）
但搵唔到時，暗瘡係唔會咁而唔生架嘛！所以，我好後悔當初點解唔立即去睇醫生，起到拖拖拖拖拖。醫生講得岩，病向淺中醫，你先停止左佢生你先會有時間去調理或者搵原因。幸好，我果時食左2﹣3星期多就已經無再生，瘡都退得7788。食抗生素都係好似skincare咁，係要試到一種岩自己既先會WORK。正如我一開始食四環素，食左1星期都無咩用，同醫生講番再轉另一隻叫紅霉素，食左2﹣3日已經明顯見到D瘡退。對付暗瘡既抗生素有大概10﹣11隻，係要試到岩D瘡先會退。
當見到D皮膚穩定之後就係去印。荷爾蒙瘡既印係極之超級難去，因為D瘡腫既範圍太大，大部份留低既都係紅紫印而唔係深啡。深啡既印去得好容易，可能查下美白精華就OK。但紅紫果種印係因為皮膚底層既微絲血管爆左引致呢D紅印，所以去呢種印係好難好難。而我當時面上就係留左好多呢D紅紫印。但其實我並無特別好down，因為起碼已經無再生瘡！去呢D紅紫印係需要一D有效收縮微絲血管既成份例如維他命K，不過市面上有得揀既維他命K精華真係好少好少。所以，我果時都係盡量做多D補濕，我都係有用去印精華同埋用酸去令皮膚健康。再加上食下supplement，大概半年左右，D印都去得7788都無復發之類。Touch wood，而家都面都叫乾乾淨淨，本身仲有少少瘡留低既紅印未去到，不過用左Dermaceutic果款yellow cream真係幾得，稍後UP相！
寫呢篇既原因係希望皮膚有問題既真係唔好因為暗瘡而搞到自己情緒低落。我知講就易，我當時都日日喊。不過，經驗話我知真係愈喊係愈生得多。暗瘡唔係cancer，唔可能一世都醫唔好。要既只係耐性同時間啊！大家睇下我當時生同而家，咪又係重生！呢篇亦唔係咩SELL野文，因為whatsapp過我地都知通常我一定係先推介番起香港買到既產品先，因為有過經歷先真正知道當下想要既係咩。
唔好放棄，都唔好灰心 :)
Instagram: 1click2beauty
